•    Follow Us 
విశ్వబ్రాహ్మణుల ధర్మాలు:
విశ్వబ్రాహ్మణ వ్యక్తి పేరుకు ముందు ఇంటిపేరు, దానికి ముందు "బ్రహ్మశ్రీ" అని, పేరుకు చివర ఆచార్యులు, శర్మ , శాస్త్రి అని వ్రాయుట ధర్మము. (వృత్తి పేర్లు ఇంటిపేరుగా, కులం పేరుగా చెప్పుకొనరాదు. వ్రాసుకొనరాదు) | గోత్రం, ప్రవర, సూత్రం, కుండం, దండం, శాఖ వివరములు తెలుసుకొని వాటిని ప్రతినిత్యం చెప్పుకొనుట ధర్మం. | యజ్ఞోపవీతము (జందెము)ను ఉపనయన సంస్కారము నుండి జీవితాంతము ధరించుట ధర్మము. బ్రహ్మచారి ఒక్కముడి యజ్ఞోపవీతము (జందెము)ను, గృహస్థులు ఐదు ముడుల యజ్ఞోపవీతము (జందెము)ను ధరించాలి. | నిత్యకర్మలు ప్రతి దినం చేయుట ధర్మం - బ్రహ్మ ముహూర్తమున అనగా ఉదయం 4-00 గంటల నుండి 6-00 గంటల లోపుల నిద్రమేల్కొని, భగవధ్యానము చేయుట, కాలకృత్యములు, స్నానము, సంద్య చేయుట. విభూతి, గంధం, కుంకుమ బొట్టు ధరించి ప్రాణాయామము, గాయత్రి మంత్రధ్యానము, సూర్య భగవానునికి ఆర్థ్యమును ఇచ్చుట. పితృ, పితామహులకు తర్పణం ఇచ్చుట గీత, కాలజ్ఞానము, వేదాధ్యయనము మొదలైనవి పఠించుట ధర్మం. | ప్రతి నిత్యం పంచ మహాయజ్ఞములు చేయుట ధర్మము. పంచ మహాయజ్ఞములు అనగా బ్రహ్మ యజ్ఞము, దేవ యజ్ఞము, పితృ యజ్ఞము, అతిథి యజ్ఞము, భూత యజ్ఞములు ఆడంబరాలు లేకుండా త్రికరణ శుద్దిగా నిర్వహించాలి. | వైదిక కర్మలతోపాటు శిల్ప యజ్ఞములు - అయో, దారు, తామ్ర, శిలా, స్వర్ణ శిల్పములు చేయుట ధర్మము. వ్యాపారస్థులు, ఉద్యోగస్థులు వారి వారి దాయిల సంప్రదాయం ప్రకారం వారి దాయికి సంబంధించిన కనీసం రెండు లేదా మూడు పనిముట్లను వారి గృహంలో వాడాలి. పూజించాలి. | నైమిత్తిక కర్మలు అనగా షోడశ సంస్కారములు శాస్త్రం నిర్ణహించిన సమయమున చేయుట ధర్మము. 1. గర్భాదానము, 2. పుంసవనము, 3. సీమంతము, 4. జాతకర్మ, 5. నామకరణము, 6. నిష్క్రమణము, 7. అన్నప్రాశనము, 8. చౌలము/కేశఖండనము, 9. అక్షరాభ్యాసము, 10. ఉపనయనము, 11. బ్రహ్మచర్య వ్రతము, 12. స్నాతకము, 13. వివాహము, 14. గృహ ప్రవేశము, 15. వానప్రస్థము, 16. అంత్యేస్ఠి | వైదిక కర్మలు, నైమిత్తిక కర్మలు చేయునపుడు పురుషులు దోవతి, ఉత్తరీయమును, స్త్రీలు చీర జాకెట్టు లాంటి సంప్రదాయ దుస్తులు ధరించుట ధర్మము. | శాఖాహారమును (సాత్వికాహారము) భగవదార్పణ చేసి భుజించుట ధర్మం. ప్రతి విశ్వబ్రాహ్మణుడు తరచుగా తన సమీపంలోని విశ్వబ్రాహ్మణుల ఇంద్లకు వెళ్లి విషయములు తెలుసుకుంటూ, వారి యోగక్షేమములు విచారించుట ధర్మము. "విశ్వబ్రాహ్మణులు సదాచారము పాటింతురు గాక" |
About Us.....

మట్టిని బంగారంగా మార్చగలిగినవాడు మనిషి. మట్టినుండి మాణిక్యాలను వెలికితీయగల నేర్పరి మనిషి. మట్టిలోనుండి వెలికితీసిన ఖనిజాలను మానవ అవసరాలకు అనుగుణంగా మలచగలిగినవాడు మనిషి. చలనంలేని వస్తువులలో చలనం సృష్టించగలవాడు మనిషి. రాగి తీగలలో రాగాలు పలికించిన వాడూ మనిషే! రాళ్ళకు సజీవ రూపకల్పన చేయగలిగిన వాడూ మనిషే!.

అందుకే మనిషిని మహనీయుడు అన్నారు. అంతటి మహనీయతను నిలుపుకొన్న జాతి మనది, సృష్టి ప్రారంభము నుండి నేటి వరకు ఎన్నో రకాలుగా, ఎన్నో విధాలుగా మానవ సమాజానికి ఉపయోగపడుతూ సృష్టికి ప్రతిసృష్టిని సృష్టిస్తూ అపర బ్రహ్మలుగా అందరిచేత నీరాజనాలు అందుకొంటున్న మన విశ్వబ్రాహ్మణులు ఈ మద్యకాలంలో మనజాతి పుట్టుపూర్వోత్తరాలు, ఆచార వ్యవహారాలు, సంస్కృతి సంప్రదాయాలు, చరిత్ర ముదలగున్నవి తెలుసుకొనుటలో మరియు నభ్య సమాజానికి తెలియజేయుటలో పూర్తిగా నిర్లక్ష్యం వహించారనే చెప్పవచ్చు. ఏదిఏమైనా ఇప్పటికైనా మన కులస్థులకు, ఇతర జాతులవారికి, ఇతర కులాలవారికి మనజాతి పుట్టుపూర్వోత్తరాలు, ఆచార వ్యవహారాలను, సంస్కృతి సంప్రదాయాలను, చరిత్రలను తెలియజేయాల్సిన ఆవశ్యకత ఎంతైనా ఉంది. కులాలే లేవనే ఈ రోజుల్లో ఇవన్ని అవసరమా? అని కొందరికి అనిపించవచ్చు. కానీ కులాలు లేవంటూనే ఏ కులంవారు ఆ కులాన్ని, ఏ మతంవారు ఆ మతాన్ని పరిక్షించుకుంటూ, ఆయా కులాలవారు, ఆయా మతాలవారు తమతమ కుల, మత అభ్యున్నతికి, వారివారి కులాభివృద్దికి పాటుపడుతున్నారు. కావున మన విశ్వబ్రాహ్మణ కులస్థులు కూడా కుల వ్యవస్థ నిర్మూలన జరిగే వరకు మన కులాన్ని, కులస్థుల అభ్యున్నతికి పాటుపడి, సంఘంలో మనకున్న విలువలను కాపాడుకోవాలని కోరుకుందాం.

ఈ దృడ సంకల్పంతోనే 2000 సంవత్సరములో "విశ్వకర్మ ప్రభ" రాజకీయ సామాజిక చైతన్య మాస పత్రికను స్థాపించి ఒక దశాబ్దంపాటు సమైఖ్యాంద్రతో పాటు కర్నాటక, తమిళనాడు ఒరిస్సా మొదలైన పొరుగు రాష్ట్రాలలోని మన కులస్థులకు, సంఘీయులకు, యావత్ జాతికి రాజకీయ, ఆర్థిక, సామాజిక చైతన్య వ్యాసాలను అందిస్తూ ఇతోధికంగా ప్రసిద్ద విశ్వబ్రాహ్మణ సాహితీవేత్తలతో, పండితులతో, ఔత్సాహిక రచయితలతో ఎన్నో వ్యాసాలను, శీర్షికలను, సంస్కృతి సంప్రదాయాలను, ఆచార వ్యవహారాలను, మన కులస్థులలో మంచి పేరు ప్రఖ్యాతులు కల్గిన ప్రముఖులను పరిచయంచేసి మనకులానికి కులస్థులకు వెన్నుదన్నుగా నిలిచిందనే చెప్పవచ్చు. మారుతున్న పస్తుత పరిస్థితుల్లో మన విశ్వబ్రాహ్మణ కుల విశిష్టతను, కులస్థులలో వున్న ప్రముఖ వ్యక్తులను, వారు సాదించిన ఘనతను అంతర్జాలంద్వారా ప్రపంచ వ్యాప్తంగా పరిచయం చేయాలనే తలంపుతో "విశ్వబ్రాహ్మిణ్.ఇన్" పేరుతో ఒక వెబ్ సైట్ ప్రారంభించడం జరిగింది. దీనిద్వారా మన కులంయొక్క పుట్టు పూర్వోత్తరాలు, ఆచార వ్యవహారాలు, సంస్కృతి సంప్రదాయాలు, ఈ మధ్యకాలంలో మన కులంపై ఇతరులకు ఏర్పడిన చిన్నచిన్న అపోహలను తొలగించి, వాస్తవాలను బహిర్గతం చేసి విశ్వబ్రాహ్మణులకు పూర్వ వైభవం కల్పించాలనేదే తాపత్రయం. అలాగే ఎంతో శ్రమకోర్చి సేకరించిన విషయాలను మరుగున పడకుండా అందరికీ అందుబాటులో ఉంచాలనే మా చిన్న ప్రయత్నానికి మీ వంతు సహాయ సహకారములు, తగిన ప్రోత్సాహాన్ని ఇచ్చి మమ్మల్ని అక్కున చేర్చుకొని పెద్ద మనస్సుతో ఆశీర్వదిస్తారని వినమ్రతతో.......