•    Follow Us 
విశ్వబ్రాహ్మణుల ధర్మాలు:
విశ్వబ్రాహ్మణ వ్యక్తి పేరుకు ముందు ఇంటిపేరు, దానికి ముందు "బ్రహ్మశ్రీ" అని, పేరుకు చివర ఆచార్యులు, శర్మ , శాస్త్రి అని వ్రాయుట ధర్మము. (వృత్తి పేర్లు ఇంటిపేరుగా, కులం పేరుగా చెప్పుకొనరాదు. వ్రాసుకొనరాదు) | గోత్రం, ప్రవర, సూత్రం, కుండం, దండం, శాఖ వివరములు తెలుసుకొని వాటిని ప్రతినిత్యం చెప్పుకొనుట ధర్మం. | యజ్ఞోపవీతము (జందెము)ను ఉపనయన సంస్కారము నుండి జీవితాంతము ధరించుట ధర్మము. బ్రహ్మచారి ఒక్కముడి యజ్ఞోపవీతము (జందెము)ను, గృహస్థులు ఐదు ముడుల యజ్ఞోపవీతము (జందెము)ను ధరించాలి. | నిత్యకర్మలు ప్రతి దినం చేయుట ధర్మం - బ్రహ్మ ముహూర్తమున అనగా ఉదయం 4-00 గంటల నుండి 6-00 గంటల లోపుల నిద్రమేల్కొని, భగవధ్యానము చేయుట, కాలకృత్యములు, స్నానము, సంద్య చేయుట. విభూతి, గంధం, కుంకుమ బొట్టు ధరించి ప్రాణాయామము, గాయత్రి మంత్రధ్యానము, సూర్య భగవానునికి ఆర్థ్యమును ఇచ్చుట. పితృ, పితామహులకు తర్పణం ఇచ్చుట గీత, కాలజ్ఞానము, వేదాధ్యయనము మొదలైనవి పఠించుట ధర్మం. | ప్రతి నిత్యం పంచ మహాయజ్ఞములు చేయుట ధర్మము. పంచ మహాయజ్ఞములు అనగా బ్రహ్మ యజ్ఞము, దేవ యజ్ఞము, పితృ యజ్ఞము, అతిథి యజ్ఞము, భూత యజ్ఞములు ఆడంబరాలు లేకుండా త్రికరణ శుద్దిగా నిర్వహించాలి. | వైదిక కర్మలతోపాటు శిల్ప యజ్ఞములు - అయో, దారు, తామ్ర, శిలా, స్వర్ణ శిల్పములు చేయుట ధర్మము. వ్యాపారస్థులు, ఉద్యోగస్థులు వారి వారి దాయిల సంప్రదాయం ప్రకారం వారి దాయికి సంబంధించిన కనీసం రెండు లేదా మూడు పనిముట్లను వారి గృహంలో వాడాలి. పూజించాలి. | నైమిత్తిక కర్మలు అనగా షోడశ సంస్కారములు శాస్త్రం నిర్ణహించిన సమయమున చేయుట ధర్మము. 1. గర్భాదానము, 2. పుంసవనము, 3. సీమంతము, 4. జాతకర్మ, 5. నామకరణము, 6. నిష్క్రమణము, 7. అన్నప్రాశనము, 8. చౌలము/కేశఖండనము, 9. అక్షరాభ్యాసము, 10. ఉపనయనము, 11. బ్రహ్మచర్య వ్రతము, 12. స్నాతకము, 13. వివాహము, 14. గృహ ప్రవేశము, 15. వానప్రస్థము, 16. అంత్యేస్ఠి | వైదిక కర్మలు, నైమిత్తిక కర్మలు చేయునపుడు పురుషులు దోవతి, ఉత్తరీయమును, స్త్రీలు చీర జాకెట్టు లాంటి సంప్రదాయ దుస్తులు ధరించుట ధర్మము. | శాఖాహారమును (సాత్వికాహారము) భగవదార్పణ చేసి భుజించుట ధర్మం. ప్రతి విశ్వబ్రాహ్మణుడు తరచుగా తన సమీపంలోని విశ్వబ్రాహ్మణుల ఇంద్లకు వెళ్లి విషయములు తెలుసుకుంటూ, వారి యోగక్షేమములు విచారించుట ధర్మము. "విశ్వబ్రాహ్మణులు సదాచారము పాటింతురు గాక" |
Telangana - Peetadipathulu
  తెలంగాణ రాష్ట్రంలోని విశ్వబ్రాహ్మణుల పీఠముల పేర్లు
ప్రాంతం
పీఠాధిపతి పేరు
Details
  శ్రీ విశ్వజ్యోతిర్లింగ పీఠమ్
సీతారాం పురం, ఖమ్మం
శ్రీ నరసింహాచార్య స్వామి
  శ్రీ గాయత్రి విశ్వకర్మ శారదా పీఠమ్
ముల్కల్ల, మంవిర్యాల
శ్రీ చంద్రమౌళీశ్వర స్వామి
  శ్రీమత్ జగద్గురు కాలహస్త్యాచార్య మహా సంస్థానం, శ్రీ గాయత్రి పీఠమ్
నందికొండ, నాగార్జున సాగర్
శ్రీ శ్రీకాంత్రేంద్ర స్వామి
  శ్రీ పాపఘ్ని మఠ సావిత్రీ పీఠమ్
జీయాగూడ, హైదరాబాద్
శ్రీ కనకాచార్య స్వామి